Un docente mester a hala atencion di mayornan di un alumno pasobra e docente ta tur precupa mirando cu cada biaha e alumno ta hunga weganan den klas y ultimo a expresa cu e tin problema cu un wega mirando cu e carchi no kier pasa.
E mama di e alumno a keda asombra pa cu e yamada di e docente y a dicidi pa bai mira su cuenta bancario. Na e momento cu e mama a logra ricibi tur informacion di banco, a resulta cu e mama tin solamente 0.07$ ariba su cuenta.
Ora e mama a enfrenta e alumno, ela confesa di a cumpra weganan ariba su telefoon y ariba dje a paga pa su coleganan di klas tambe.
Den e video di declaracion e mucha muher ta menciona cu cada biaha cu su colegannan di klas pidi'e pa paga algo den e weganan e tawata hacie y sin tawata sa di unda e placa tawata bin.
E mucha a expresa cu a yega un momento cu e tawata tin hopi amistadnan na scol. Y tur a cuminsa papia cune mas cu normal. Pero tur tawata pidi'e pa paga algo pa nan.
コメント