Sidney Ponson Charity Foundation ta anuncia yegada di material deportivo

Sidney Ponson Charity Foundation ta anuncia yegada di material deportivo. Esaki no tabata posibel sin e aporte di Fast Delivery a haci.

Ta trata di material pa practica deportenan di baseball y softball. Y ta material pa muchanan por practica dos di e deportenan mas popular na Aruba.

Otro siman lo cuminsa cu reparticion na e muchanan cu di un of otro motibo no ta logra pa cumpra material y ta stroba cu nan no lo por haci e deporte, pero cu Sidney Ponson Charity Foundation y Fast Delivery esaki no ta un excusa mas pa e muchanan practica nan deporte.

E fundacion a haya bishita di Minister di Deporte , Milton Croes y presidente di parlamento edgar Vrolijk. Por a combersa di e bunita iniciativa di Sidney Ponson Charity Foundation, pero tambe pa por amplia e posibilidad nan pa e fundacion por haci hopi mas pa e muchanan di Aruba

SPCF ta hopi agradecido na su partners Milton Croes, ex basebolista , y Fast Delivery pa nan cooperacion. #SportZoneAruba