Prospecto Joan Sierra a yega na un acuerdo cu e organisacion di San Diego Padres pa firma 2022.

Nos a haya e grato noticia cu e tecera base Joan Sierra a yega na un acuerdo cu e organisacion di San Diego Padres pa aña 2022 despues International Scouting Supervisor y Crosschecker Bill McLaughlin tabata na Aruba pa asina mire differente di nos prospectonan durante un tryout na Nadi Crismo Angela Ballpark na St. Cruz organisa pa Antoine Kelly. Ta bon pa remarca cu Joan Sierra ta un di prospecto di Aruba Baseball Academy ABA kende ta cay bou di guia di entrenador Aaron Ballestero kende a yuda mJoan cu su desaroyo pa asina e bira un mihor hungador di baseball. Joan Sierra semper a forma parti di e organisacion di Aruba Junior bou di guia di Coach Chago Hernandez kende tambe ta su entrenador. Un pabien grandi ta bai na Joan y su mayornan cu e tremendo logro aki.

#SportZoneAruba