E relacion perfecto riba Social Media pero den realidad ta otro.

Hopi ta esnan cu semper ta comparti cosnan amoroso aiba Social media pa nan pareha.

Ta conoci cu mas e persona ta post di su pareha, menos feliz e ta den realidad.

Pero bo tin e grupo cu ta pensa tambe cu e kier demostra publicamente su amor, mescos cu casamento. Hopi no ta kere den casamento mas y mientras bo tin e otro grupo cu si kier demostra publicamente su amor.

Tambe bo tin un grupo grandi cu gusta gaba loke den realidad nan no tin den cas.

Pero pa duna e pareha un extra punto nan ta gaba e pareha di ariba te abou.

Mester compronde tambe e peligro tras di esaki. E Acto aki di comparti of pinta e pareha perfecto riba social media ta bai pone bo bida amoros bira mas vunerabel, pero tambe e tin hopi posiblidad di fria e relacion mas liher. dicon? paso bo ta pinta un persona cu no ta existi enrealidad of cu no ta existi mas. Bo ta bai keda desapunta bo mes cada biaha cu realidad jega na bo.

Comparti bo pareha of comparti cosnan amoroso cu bo pareha riba Social media no ta malo. Loke ta malo ta e exageracion.

Recomendacion:

Conoce bo pareha bon prome cu bo share bo bida amoroso riba social media cu ne, si noh tur siman bo tin un status: ' "Bo ta e mihor cos cu por a pasami den mi bida".